काठमाडौँ – नेकपा एमालेका अध्यक्ष केपी शर्मा ओलीले राष्ट्रिय सभा निर्वाचनको परिणाम प्रतिकुल आउनसक्ने बताएका छन् ।


ADVERTISEMENT


शुक्रबार नेकपा एमालेको जिल्ला अधिवेशनको उद्घाटन कार्यक्रमलाई पार्टी कार्यालय थापाथलीबाट सम्बोधन गर्दै अध्यक्ष ओलीले राष्ट्रिय सभा निर्वाचनको परिणाम प्रतिकुल आउनसक्ने भन्दै आफूहरुको लागि अनौठो नहुने बताएका हुन् । उनले जनादेश विपरीत गठन भएको गठबन्धनका कारण राष्ट्रियसभाको निर्वाचन यथार्थको जनादेश नहुने पनि बताए ।


ADVERTISEMENT

# # #


उनेले एमाले एक्लै अरुभन्दा मजबुत र माथि रहेको दाबी पनि गरे । केही दलले गठबन्धनलाई चुनावसम्म टिकाउनुपर्छ भन्ने गरेको भन्दै अध्यक्ष ओलीले कमजोरलाई गठबन्धन चहिएको जिकिर गरे । अध्यक्ष ओलीले एमाले सरकारले गरेको विकासको कामप्रति अतालिँदै असवैधानिक ढंगले सरकार ढालिएको भन्दै परामदेशबाट बनेको सरकारले नेपाललाई विकासको बाटोमा अघि लाग्न नसक्ने बताए ।

वर्तमान सरकारले पूर्वाधार निर्माणमा, आर्थिक क्षेत्र, शिक्षा क्षेत्र ध्वस्त पारेको आरोप उनले लगाए । आफुहरु जनताको पार्टी भएकाले नै एमाले फेरि जनादेश पाउने दिशातर्फ अग्रसर भइरहेको उहाको भनाई छ । ओलीले जनतालाई सचेत गराउन अब जिल्ला अधिवेशनले त्यसमा नेतृत्व गर्न क्षमता निर्माण गर्नुपर्ने बताए ।

६१ जिल्लामा एकैपटक उद्घाटन गरिएको एमाले जिल्ला अधिवेशन हिमाली जिल्लालगायत केही जिल्लामा अर्को दिन हुने एमाले महासचिव शंकर पोखरेलले जानकारी दिए ।