अमुक व्यक्ति र पार्टीलाई ध्यानमा राखेर संविधानभन्दा बाहिर जान सकिदैन : नैनसिंह महर

काठमाडौं – नेपाली कांग्रेसका युवा केन्द्रीय सदस्य नैनसिंह महरले यो वा त्यो बहानामा संविधान भन्दा बाहिर जान नसकिने टिप्पणी गरेका छन् । आवधिक निर्वाचन लोकतन्त्रको प्राण भएको बताउदैं महरले अमुक व्यक्ती र पार्टीको हितलाई ध्यानमा राखेर संविधान भन्दा बाहिर जान नसकिने बताएका हुन् ।

‘नेपाली काँग्रेस संस्कारले नै लोकतान्त्रिक पार्टी हो ।आवधिक निर्वाचन लोकतन्त्रको प्राण हो ।, महरले भने, ‘तसर्थ यो वा त्यो वहानामा अमुक व्यक्ति र पार्टीको हित लाई ध्यानमा राखेर, संविधानले व्यवस्था गरे भन्दा बाहिर जान सकिदैन।’

नेकपा एमालेको गैह्रलोकतान्त्रिक चरित्रका कारण निर्वाचन आयोगले प्रस्ताव गरेको समय तालिका प्रभावित हुनेमा नेता महरले चिन्ता व्यक्त गरेका छन् ।

एमालेका कारण आवश्यक नियम कानुन निर्माणमा ढिलो भएर आयोगले प्रस्ताव गरेको समय तालिका प्रभावित हुने होकि भन्ने चिन्ता चाँही काँग्रेसको हो ।, नेता महरले भनेका छन् ।