थप २५२६ जनामा कोरोना पुष्टि, १६ जनाको मृत्यु

काठमाडौँ – नेपालमा थप २ हजार ५ सय २६ जनामा कोरोना संक्रमण पुष्टि भएको छ ।

देशभर गरिएको ६ हजार ६ सय ५५ पीसीआर परीक्षणका क्रममा १ हजार ६ सय २ जना र ४ हजार ४ सय १८ एन्टीजेन परीक्षणका क्रममा ९२४ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ । यो संगै नेपालमा कोरोना संक्रमितको संख्या १० लाख ९७ हजार ५ सय ८९ पुगेको छ । त्यस्तै कोरोनाका कारण थप १६ जनाको मृत्यु भएको छ ।

हालसम्म नेपालमा कोरोनाका कारण ११ हजार ७ सय ९४ जनाको मृत्यु भएको छ । त्यस्तै थप ८ हजार ४ सय २५ संक्रमित निको हुँदा हालसम्म नेपालमा ८ लाख ९५ हजार ८ सय ६८ जना निको भएका छन् । हाल नेपालमा ५६ हजार ४ सय ५७ सक्रिय सक्रमित आइशोलेशन र १ सय ३३ जना क्वारेनटाइनमा रहेको मन्त्रालयले जनाएको छ ।