नेता निधिलाई भेट्न अस्पताल पुगे प्रधानमन्त्री देउवा

काठमाडौँ– प्रधानमन्त्री एवं नेपाली कांग्रेसका सभापति शेरबहादुर देउवाले काठमाडौंको ओम अस्पतालमा उपचार गराइरहेका कांग्रेस नेता तथा गृहमन्त्री विमलेन्द्र निधिलाई भेटेर उनको स्वास्थ्य अवस्थाबारे जानकारी लिएका छन् ।

बुधबार बिहान अस्पताल पुगेका देउवाले निधिको शीघ्र स्वास्थ्यलाभको कामना गरेका थिए । बुधबार बिहान नै कांग्रेस महामन्त्री शशांक कोइरालाले पनि नेता निधिलाई भेटेर स्वास्थ्य अवस्थाबारे जानकारी लिएका थिए ।

कांग्रेस नेता निधिलाई पेटरोग विशेषज्ञ डा. राहुल पाठक र छाती रोग विशेषज्ञ डा. सुबोधसागर ढकाललगायतको टोलीले हेरिरहेको छ । चिकित्सकहरुले उनलाई केही दिन आराम गर्नुपर्ने बताएका छन् । धनुषा ३ बाट प्रतिनिधिसभा निर्वाचनको प्रत्यक्षतर्फका उम्मेदवार कांग्रेस नेता निधि कात्तिक १६ गतेको मनोनयन दर्तापछि चुनावी अभियानको क्रममा गृहजिल्ला धनुषामा बस्दै आएका थिए । त्यसक्रममा धूलोधुवाँका कारण केही असहज भएपछि उनी गत सोमबार काठमाडौं आएका हुन् ।