काठमाडौं – नेपाली कांग्रेसका केन्द्रीय सदस्य एवम् पूर्वसांसद रामहरि खतिवडाले नेपालमा राजनैतिक पार्टी खोल्ने र पार्टीका नाममा व्यापार गर्ने काम बन्द हुनुपर्ने बताएका छन् । खतिवडाले पछिल्लो समय मुलुकमा देखिएको यस्तो बेथितीप्रति इंगित गर्दै पार्टीका नाममा व्यापार गर्ने कामको विरोध जनाएका हुन् ।
ADVERTISEMENT
साथै खतिवडाले संविधानको कार्यान्वयनमा नेपाली कांग्रेसले मात्र पहल गरिरहेको दाबी गरे । मंगलबार काठमाडौंमा आयोजित कार्यक्रमलाई सम्बोधन गर्ने क्रममा खतिवडाले कांग्रेसले संविधान ल्याएर जनतालाई अधिकार दिएको बताए । उनले संविधानको रक्षा गर्नुपर्ने बताए ।
ADVERTISEMENT
केन्द्रीय सदस्य खतिवडाले राजनीतिक दलका नेताहरूमा राजनीतिक इमान्दारिता नरहेको बताएका छन् । उनले नेताहरूले आफ्नो बचन र बोलेका कुरामा अडिग रहन आग्रह गरे । एमसीसीतर्फ संकेत गर्दै कांग्रेस नेता खतिवडाले सत्ता र सडकमा नेताहरूको बोली फेरिएको बताए ।
‘जनता र सडकमा जाँदा अलग–अलग कुरा गर्ने कार्य अन्त्य हुनुपर्छ’, उनले भने, ‘सत्तामा हुँदा अर्को कुरा, सडकमा जाँदा अर्कौ कुरा गर्ने कार्य बन्द हुनुपर्छ ।’ एमसीसीका नाममा कम्युनिस्ट नेताहरूले दुईजिब्रे कुरा गरेका छन् । खतिवडाले जे कुरामा पनि एउटै अडान लिएर बोल्नुपर्ने बताए ।
