नेपाल खेलकुद महासंघ कर्णाली प्रदेश कमिटीको प्रथम अधिवेशन सम्पन्न

सुर्खेत – नेकपा एमाले निकट नेपाल खेलकुद महासंघ कर्णाली प्रदेश कमिटीको प्रथम अधिवशेन सम्पन्न भएको छ । प्रदेश राजधानी विरेन्द«नगरमा बुधबार सम्पन्न अधिवेशनले सुरज थापाको अध्यक्षतामा ३३ सदस्यीय प्रदेश कमिटी सर्वसम्मत चयन गरेको छ ।

तेक्वान्दोका ब्ल्याक बेल्ट तथा फुटबल र बास्केटबलका क्षेत्रीय खेलाडी थापा यसअघि आयोजक कमिटीका संयोजक रहेका थिए । दैलेखका डम्बर बहादुर शाही र सुर्खेतका भिमकुमारी भुसाल उपाध्यक्षमा निर्वाचित भएका छन् । यस्तै कालिकोटका भलिबल खेलाडी पंख बहादुर मल्ल सचिव चयन भएका छन् भने प्रकाश बस्नेत र पदम रावत उपसचिव एवं रविन्द्र शाही कोषाध्यक्षमा निर्वाचित भएका छन् ।

नेकपा एमालेका स्थायी कमिटी सदस्य यमलाल कँडेलको प्रमुख आतिथ्यतामा सम्पन्न अधिवेशनबाट निर्वाचित पदाधिकारी तथा सदस्यहरुलाई बुधबार महासंघका केन्द्रीय संयोजक कृष्ण बस्नेत (पर्शुराम) ले पद तथा गोपनियताको सपथ गराए ।

अधिवेशनलाई सम्बोधन गर्दै एमाले पोलिटब्युरो सदस्य एवं महासंघका ईन्चार्ज गोकुल बाँस्कोटाले आगामी स्थानीय निर्वाचनमा एमालेले आफ्नो घोषणापत्रमा एक वडा एक खेल पूर्वाधार तथा एक पालिका एक रंगशाला निर्माणको संकल्प उल्लेख गरेर जाने बताए । बाँस्कोटाले खेलकुद क्षेत्रको दिगो विकासका लागि महासंघले “स्कुल टु युनिभसिर्टी” एवं “क्लब टु कम्युनिटी” लाई राष्ट्रिय अभियानको रुपमा नेतृत्व गर्नुपर्ने र खेलक्षेत्र तथा खेलाडीलाई राष्ट्रिय पहिचानको रुपमा स्थापीत गराउनेतर्फ ध्यान केन्दि«त गर्न सुझाव दिए ।

महासंघका निवर्तमान अध्यक्ष समेत रहेका एमाले केन्द्रीय सदस्य रमेशकुमार पौडेलले सबै जनतालाई एकैसाथ खुसी प्रदान गर्नसक्ने महत्वपूर्ण कडीको रुपमा रहेको खेलकुद क्षेत्रको विकासले मात्रै समृद्ध नेपाल र सुखी नेपालीको आकांक्षा पुरा हुनसक्ने बताए ।

त्यसैगरी महासंघका केन्द्रीय संयोजक बस्नेतले राष्ट्रिय खेलकुद परिषदको ऐनलाई धज्जी उडाउँदै उपाध्यक्षलाई कार्यकारी अधिकार दिएर खेलकुद मन्त्रीले कहीं नभएको जात्रा हाँडीगाउँमा भन्ने उखानको चरितार्थ गरेकोे आरोप लगाए । साथै वर्तमान सरकारले खेलकुद क्षेत्रका सन्दर्भमा गरेका निर्णयहरुलाई मसिनो ढंगले हेर्ने हो भने धमिलो पानीमा माछा मार्ने शैलीले आफुलाई खेल विरोधी सरकार भएको प्रमाणित गरिसकेको बताए ।

अधिवेशनलाई नेकपा एमालेका केन्द्रीय सदस्य एवं प्रचारविभाग उपप्रमुख विष्णु रिजाल, नेपाल रग्वी संघका महासचिव चेतनराज गिरी, राखेप कार्यकारी बोर्ड सदस्य नन्दा बस्याल तथा महासंघका प्रवक्ता उमेश केसी लगायतले सम्बोधन गरेका थिए ।

यस्तो बन्यो नेकोस कर्णाली प्रदेश कमिटी :
अध्यक्ष : सुरज थापा (सुर्खेत)
उपाध्यक्ष : डम्बर बहादुर शाही (दैलेख)
उपाध्यक्ष : भिमकुमारी भुसाल (सुर्खेत)
सचिव : पंख बहादुर मल्ल (कालिकोट)
सहसचिव : पदम रावत (जुम्ला)
सहसचिव : प्रकाश बस्नेत (सल्यान)
कोषाध्यक्ष : रविन्द्र शाही (सुर्खेत)

सदस्यहरु
सुन्दर पोखरेल (सुर्खेत)
शुसीला रोकाया (सुर्खेत)
लोकेन्द्र प्रसाद खनाल (सुर्खेत)
रेशम नेपाली (सुर्खेत)
ओम खत्री (सुर्खेत)
टंक गैह्रे (सुर्खेत)
मदनराज खत्री (जुम्ला)
बालकृष्ण बुढा (जुम्ला)
रेखा बुढा (जुम्ला)
अंकदराज रावल (जुम्ला)
अनमोल शाही (जुम्ला)
सौगात कुमार शाही (दैलेख)
प्रेम शाही (दैलेख)
विरन्द्र शाही (दैलेख)
जगत रिजाल (दैलेख)
प्रमोद जंग बोगटी (हुम्ला)
रमेश शाही (हुम्ला)
विष्णु रावल (हुम्ला)
मनोज फडेरा (हुम्ला)
मंगल शाही (हुम्ला)
कृष्णराज भीम (मुगु)
नेत्रजंग रावल (मुगु)
अजय रोकाया (मुगु)
मनबहादुर बम (कालिकोट)
विमला पाण्डे (कालिकोट)
सागर अधिकारी (कालिकोट)