ओलीले मतदान गरेको वडामा कांग्रेसको प्यानलै निर्वाचित

भक्तपुर – नेकपा एमाले अध्यक्ष केपी ओलीले मतदान गरेको वडामा नेपाली कांग्रेसका उम्मेदवार निर्वाचित भएका छन् । उनले भक्तपुरको सूर्यविनायक नगरपालिका–२ बालकोटस्थित महेन्द्र शान्ति माविस्थित ‘क’ मतदान केन्द्रबाट मतदान गरेका थिए ।

यो वडामा कांग्रेसका प्रदीप कार्कीको प्यानल नै विजयी भएको छ । कार्की १ हजार ५११ मत प्राप्त गर्दै विजयी भएका हुन् । उनका निकटतम प्रतिद्वन्द्वी एमालेका विश्वराज विष्टले १ हजार ३०५ मत प्राप्त गरे ।