ईङ्लिस प्रिमियर लिग फुटबलमा आज राती ८ खेल हुँदै

काठमाण्डौं-ईङ्लिस प्रिमियर लिग फुटबलमा आज राती विभिन्न ८ खेल हुँदैछन् । आज दोस्रो स्थानको म्याचेष्टर युनाईटेडले बलियो प्रतिद्धन्दी आर्सनलको सामना गर्दैछ ।

१४ खेलको समाप्तीमा २८ अंकसहित तालिकाको चौथो स्थानमा रहेको आर्सनल पछिल्ला तीन खेलमा अपराजित रहेको छ । समान खेलबाट ३२ अंक जोडेको म्यान युनाईटेड शीर्ष स्थानको म्यानचेष्टर सिटिभन्दा ८ अंकले पछि छ । आर्सनल माथि जित निकाल्दै सिटिसँगको दुरी घटाउन उसलाई आजको खेल महत्वपुर्ण रहेको छ ।

आजै तेस्रो स्थानमा रहेको चेल्सीले १२ औँ स्थानको न्यू क्यासल युनाईटेडसँग प्रतिस्पर्धा गर्दैछ ।

अन्य खेलहरुमा लिभरपुल र ब्राईटन एण्ड होभ अल्बियन, एभर्टन र हडर्सफिल्ड टाउन तथा लेष्टर सिटि र वर्नलीबिचप्रतिस्पर्धा हुनेछ । स्टोक सिटि ले स्वान्सी सिटिको सामना गर्दा खराब फर्ममा रहेको टटनह्याम हर्टसपर वाटफोर्टसँग आमने सामने हुनेछ ।

आजै राती क्रिष्टल प्यालेस र वेष्टब्रोमबीच पनि प्रतिस्पर्धा हुनेछ । उता स्पेनिस लालिगा फुटबल अन्र्तगत आज ३ खेल हुँदैछन् । आज शीर्ष स्थानको बार्सिलोनाले सेल्टा डि भिगोसँग प्रतिस्पर्धा गर्दा तेस्रो स्थानको एट्लेटिको मड्रिडले रियल सोसिडाडको सामना गर्नेछ । पाँचौ स्थानको सेभियाले डिर्पोटिभो लाकोरुनासँग प्रतिस्पर्धा गर्नेछ ।

यसअघि भएको पछिल्लो खेलमा मालागा र लेभान्तेले गोलरहित बराबरी खेल्दै अंक बाँडेका छन् ।