स्थापितभन्दा बालेन दोब्बर मतान्तरले अगाडि

काठमाडौं – काठमाडौंको मेयर पदमा उम्मेदवारी दिएका स्वतन्त्र उम्मेदवार  बालेन शाहले ९ हजार मत कटाएका छन्।

पछिल्लो मत परिणाम अनुसार उनले ९ हजार १८६ मत पाएका छन्। उनी कंग्रेस र एमालेका प्रतिस्पर्धी भन्दा दोब्बर मतले अगाडि छन्। एमालेका केशव स्थापितले चार हजार ९४८ मत पाएका छन् ।

यसैगरी कांग्रेसकी सिर्जना सिंहले चार हजार १९३ मत पाएकी छन्। काठमाडौं महानगरको मेयरमा स्वतन्त्र उम्मेदवार दिएका बालेनले लगातार मत बढाएका हुन्।

मतगणनाको सुरुदेखि नै अग्रता लिएका बालेनले त्यसलाई कायम राखेका हुन्। अहिलेसम्म काठमाडौं महानगरको वडा नं १ र २ को नतिजा सार्वजनिक भइसकेको छ भने ३,४, ३१ र ३४ नम्बर वडाको मतगणना जारी छ।