सप्तरीको पहिलो नगर प्रमुखमा महिला

सप्तरी– जिल्लामा पहिलो नगर प्रमुख महिला बनेकी छन् । सुरुङ्गा नगरपालिकामा नेपाली कांग्रेसबाट गीता चौधरी तीन हजार मतान्तरले निर्वाचित हुँदै पहिलो नगरप्रमुख बनेकी हुन् ।

उनले सात हजार २९२ मत प्राप्त गरेकी छन् । योसँगै नेपाली कांग्रेसले सप्तरीमा अग्रता कायम राख्दै चार स्थानीय तहमा प्रमुख र ६ वटामा उपप्रमुख पदमा जित हासिल गरेको छ ।

सुरुङ्गा नगरपालिकामा रामनारायण चौधरीले चार हजार २१७ मत ल्याएर निकटतम प्रतिद्वन्द्वी रहेकी छन्। एकीकृत समाजवादीका रामनारायण चौधरीले ४ हजार २१७ मत ल्याइन् ।

उपाध्यक्षमा नेपाली कांग्रेसका रुद्रबहादुर कार्की ६ हजार २७५ मत ल्याएर निर्वाचित भएकी छन् । उनको निकटतम प्रतिद्वन्द्वी एकीकृत समाजवादीकी सुनिताकुमारी मुखियाले तीन हजार ९९८ मत प्राप्त गरेकी छन् । वडाध्यक्षमा एकीकृत समाजवादीले चार, जसपाले तीन, कांग्रेस र माओवादी केन्द्रले दुई/दुईमा जीत हासिल गरेका छन् ।

सप्तरीमा हालसम्म घोषित १० स्थानीय तहको परिणाम अनुसार कांग्रेसले चार, एमालेले दुई तथा जसपा, लोसपा, जनमत, एकीकृत समाजवादीले एक/एक स्थानीय तहमा जीत हासिल गरेका छन् । रासस