काठमाडौँ– इटहरीको ब्लूमिङ लोटस इंग्लिस स्कुलमा ५ वर्षअघि अध्ययनरत कक्षा ९ की छात्रालाई बलात्कार गरिएको भनिएका आरोपित शिक्षक पक्राउ परेका छन् । किशोरी २ वर्षसम्म लगातार बलात्कार गर्ने स्कुलका प्रिन्सिपल राजकुमार खड्कालाई बिहीवार केन्द्रीय अनुसन्धान ब्यूरो (सीआईबी) ले पक्राउ गरेको हो ।
ADVERTISEMENT
मनोज पाण्डेको केश बाहिर आएपछि अर्की पिडितले पनि आफ्नो ५ वर्षअघिको घटनामा न्याय माग्दै सामाजिक सञ्जालमा सार्वजनिक गरेकी थिइन् । सञ्जालमा उनले त्यसबेला अभियुक्तविरुद्व उजुरी दर्ता गरेपनि प्रहरीले प्रतिवादीलाई पक्राउ नगरेको गुनासो गरेकी थिइन् । यद्यपि सामाजिक सञ्जालमा चौतर्फी रुपमा उनको पक्षमा आवाज उठ्न थालेपछि उनले पुनः खड्काविरुद्वको केश रिओपन गरेकी थिइन् ।
ADVERTISEMENT
बलात्कार तथा यौन शोषणसम्बन्धि नेपालको कानुनी व्यवस्थामा उल्लेखित हदम्याद खारेजीको विषय उठ्दै गर्दा सामाजिक सञ्जालमा अर्की युवतीले पनि ७ वर्षअघि आफुमाथि भएको घटनाबारे बोलेकी थिइन् ।
उनले इन्स्टाग्राममार्फत आफु पढ्ने स्कुलको प्रध्यानाध्यापकबाटै आफु बलात्कृत भएको दाबी गरेकी थिइन् । कक्षा ९ बाट शुरु भएको उनीमाथिको यौनशोषण २ वर्षसम्म निरन्तर भएको उनको भनाई छ ।
