माइक्रोबसको ठक्करबाट पैदलयात्रुको मृत्यु

काठमाडौं – कोटेश्वरमा माइक्रोबसको ठक्करबाट पैदलयात्रुको मृत्यु भएको छ ।

सोमबार साँझ कोटेश्वरबाट बालकुमारी जाँदै गरेको बा २ ख १२३१ नम्बरको हायसले सुरुमा पैदलयात्रुलाई ठक्कर दिएको थियो । दुर्घटनापछि हायसले दाया च्याप्दा बालकुमारीबाट आएको प्रदेश ३–००६ ख ०२९५ नम्बरको ट्रकसँग ठोक्किन पुग्यो। दुर्घटनामा हायसको अगाडिको भाग क्षतविक्षत भएको छ ।

हायसको ठक्करबाट घाइते भएका पैदलयात्रु ५२ वर्षीय देबकुमार सेनको मृत्यु भएको काठमाडौं प्रहरीका प्रवक्ता एसपी दिनेशराज मैनालीले जानकारी दिए ।