काठमाडौँ– एसीसी यु–१६ इस्टर्न प्रतियोगिता अन्तर्गत नेपालले लगातार दोश्रो खेलमा जित हात पार्दै सेमीफाइनलमा आफ्नो स्थान पक्का गरेको छ।
ADVERTISEMENT
टेर्ड थाई मैदानमा आज हंगकंगलाई पाँच विकेटलले पराजित गर्दे सेमिफइनल प्रवेश गरेको हो । टस जितेर हंगकंगले ब्याटिंग गर्दै दिएको ८३ रनको लक्ष पछ्याउन नेपालल ६ विकेट गुमाउन पुग्यो। एक समय नेपालले ३४ रनको स्कोरमा ४ विकेट गुमाईसकेको थियो र हारको खतरा देखिएको थियो।
ADVERTISEMENT
मुस्किल अवस्थाबाट छैठौं नम्बरमा ब्याटिंग गरेका तृत राज दासले पाँचौ विकेटको लागि ओपनर राजन मगरसंग २७ रनको साझेदारी गर्दै जितलाई सहजता तिर लागेका थिए। राजन १७ रन बनाएर आउट भएपछि दास र सुनिल भण्डारीले छैठौं विकेट लागि १९ रनको साझेदारी गरेदे नेपाललाई जित नजिक पुर्याएका थिए।
नेपाललाई जित्न मात्र ३ रन बाँकी रहंदा तृत २७ रनको स्कोरमा आउट भए पछि सुनिल भण्डारीले २५ औं ओभरको पहिलो बलमा चौका प्रहार गर्दै नेपाललाई जित दिलाएका थिए। तृतले ४६ बलमा ३ चौका प्रहार गरेका थिए। पहिलो खेलमा थाईल्याण्डसंग दासले सर्बाधिक ३९ रनको योगदान दिएका थिए।
बिजयी चौका प्रहार गरेका सुनिलले ११ रन बनाए। ओपनर कुशल मल्ल (२) , बिशाल बिक्रम केसी (११) , कप्तान रित गौतम (०), नारायण जोशी (२) ले खास योगदान दिन सकेनन्। हंगकंग ओपनिंग बलर नस्रुल्ल्ला रानाले सर्बाधिक ३ विकेट हात पार्दै नेपालको जित मुस्किल बनाए। उनले ७ ओभरमा १ मेडन ओभर सहित ११ रन मात्रै खर्चिएका थिए ।
यस अघि टस जितेर ब्याटिंग गरेको हंगकंगले पहिलो इनिंगको समाप्तिमा ३५ ओभर ब्याटिंग गर्दै ९ विकेट गुमाई ८२ रन मात्रै बनायो ।
हंगकंगलाई ८२ रनमै सिमित गर्न नेपाली बलर प्रतिस जिसीले सर्बाधिक ३ विकेट हात पारे जुन क्रममा उनले ७ ओभरमा २ मेडन ओभर सहित १५ रन मात्रै खर्चिएका थिए।
यस्तै अत्यन्त किफायती बलिंग गरेका अजय कुमार लुनियाले २ विकेट लिने क्रममा कुल ७ ओभर बलिंग गर्दै ५ मेडन ओभर सहित मात्र २ रन खर्चेका थिए। नारायण जोशी र निखिल कुमार सिंहले पनि १/१ विकेट हात पारे।
हिजो थाइल्याण्डसंग भएको खेलमा नेपालले १३३ रनको जीत हात पारेको थियो ।म्यानमारसंग नेपालले समुहको अन्तिम खेलमा प्रतिस्पर्धा गर्नेछ। प्रतियोगिताको सेमीफाइनल खेल १६ डिसेम्बरमा खेलिनेछ। समुह बिजेता भएको खण्डमा नेपालले समुह ‘बि’ को उपविजेताको सामना गर्नेछ।
