कञ्चनपुरको महेन्द्रनगरमा नेशनल लाईफ इन्स्योरेन्सको अभिकर्ता भेला तथा सम्मान

काठमाडौँ – नेशनल लाईफ इन्स्योरेन्स कम्पनी लिमिटेडले कञ्चनपुरको महेन्द्रनगरमा अभिकर्ता भेला तथा सम्मान कार्यक्रम सम्पन्न गरेको छ ।

उक्त कार्यक्रममा मार्केटिङ विभाग प्रमुख विवेक शर्माले उपस्थित अभिकर्ताहरुलाई बीमा विक्रय कला सम्वन्धमा प्रशिक्षण दिए । यस्तै कम्पनीका प्रमुख कार्यकारी अधिकृत सीईओ) सुरेश प्रसाद खत्री कम्पनीमा कार्यरत अभिकर्ताहरुलाई सक्षम र व्यवसायिक बनाउदै लैजाने नीति अनुरुप कम्पनीले अभिकर्ता संग सम्वन्धित विभिन्न कार्यक्रमहरु आयोजना गर्दै आईरहेको र सोही क्रममा महेन्द्रनगरमा यो कार्यक्रम गरिएको जानकारी गराए ।

कार्यक्रममा महेन्द्रनगर शाखासंग आवद्ध भई जीवन बीमा व्यवसायमा सक्रिय रहेका करिब १७५ जना अभिकर्ताहरुको उपस्थिती रहेको थियो भने सो शाखाबाट उत्कृष्ठ व्यवसाय गर्ने अभिकर्ताहरुलाई प्रमुख कार्यकारी अधिकृतज्यूले खादा माला र मायाको चिनो प्रदान गरिएको थियो । सम्मानित अभिकर्ताहरुले सीईओ खत्रीबाट आफ्नो कार्यथलो महेन्द्रनगरमा नै सम्मानित हुन पाउँदा अति नै खुशी लागेको बताए ।