उपत्यकाको तापक्रम अझै घट्न सक्ने

काठमाडौं-चिसो मौसमसँगै उपत्यकालगायत देशभर जाडोको महसुस गरिएको छ । जाडो बढेसँगै यो बर्ष उपत्यकाको तापक्रम सबैभन्दा कम १.५ डिग्रीसम्म पुगेको छ ।

शुक्रबार भने उपत्यकाको तापक्रम २ डिग्री सेल्सियस मापन गरिएको छ । जल तथा मौसम विज्ञान विभाग, मौसम पूर्वानुमान महाशाखाले यो बर्ष बिहीबार सबैभन्दा कम तापक्रम मापन गरिएको जनाएको छ ।

महाशाखाले चिसो अझै बढ्न सक्ने बताएको छ । चिसो मौसमका कारण हुने रोगले जनजीवन प्रभावित हुन थालेको छ ।

चिकित्सकले वृद्धवृद्धा तथा बालबालिका जाडो मौसमले बढी प्रभावित हुने भएकाले उनीहरुलाई जाडोबाट बचाउन सुझाव दिएका छन् ।