दूध पिउनुका यस्ता छन् फाइदा

 दूधको सेवनले धेरै पोषक तत्वहरूको कमीलाई हटाउँछ । दूधमा एमिनो एसिड पाइन्छ । मस्तिष्कमा धेरै न्यूरोट्रांसमिटरहरू एमिनो एसिडबाट मात्र बनाइन्छ ।

तिनीहरूको कमी वा गडबडीले तनाव दिन सक्छ । खराब मुड, बढ्दो डिप्रेसन, चिडचिडा स्वभाव सबै मानसिक असन्तुलनका कारण हुन सक्छन् । दूधमा क्याल्सियम, म्याग्नेसियम र पोटासियमको मात्रा पाइन्छ जसले गर्दा रक्तचाप पनि नियन्त्रण हुन्छ ।

केराको दूधले तनाव कम गर्छ

केराको दूध पिउनाले मांसपेशीहरूलाई आराम दिन सकिन्छ । केरामा पोटासियम र म्याग्नेसियम दुवै पाइन्छ । यसले अनिद्राको समस्या हटाउँछ । पोटासियम युक्त खानेकुराको सेवनले तनाव कम हुन्छ । राति सुत्नुअघि एक गिलास केराको दूध पिउन सक्नुहुन्छ ।

घाँटी दुख्ने वा रुघाखोकी लागेमा राति केराको दूध नपिउनुहोस् । केराको दूध बनाउनको लागि एक गिलास दूधमा म्यास गरिएको केरा हाल्नुहोस् । यसलाई मिक्सरमा चलाएपछि, दूधलाई फिल्टर गर्नुहोस् र गिलासमा निकालेपछि पिउनुहोस् ।

स्ट्रबेरी दूध

तनाव कम गर्न स्ट्रबेरी दूध सेवन गर्न सकिन्छ । अनिद्राको समस्याबाट बच्न र तनाव कम गर्न मेलाटोनिन हुनु आवश्यक छ । स्ट्रबेरीमा भिटामिन बी ६ हुन्छ जसले मेलाटोनिनको मात्रा बढाउँछ ।

स्ट्रबेरीमा भिटामिन सी र एन्टिअक्सिडेन्ट पनि पाइन्छ । निद्राको चक्रलाई सुधार गर्छ । स्ट्रबेरीलाई म्यास गरी एक गिलास दूधमा मिसाउनुहोस् । त्यसपछि दूधलाई छानेर पिउनुहोस् ।

बेसारको दूध

चिन्ता र तनाव कम गर्न बेसारको दूध सेवन गर्न सकिन्छ । एक गिलास दूधमा १ चम्चा बेसार मानसिक स्वास्थ्यका लागि पर्याप्त हुन्छ । बेसारलाई मूड सुधार्न, डिप्रेसन रोक्न र चिन्ताको स्तर कम गर्न लाभदायक मानिन्छ ।

तनावग्रस्त वा दुखाइका कारण सुत्न नसक्ने व्यक्तिहरूले बेसारको दूध सेवन गर्नुपर्छ । बेसारमा एन्टी–इन्फ्लेमेटरी गुण हुन्छ । शरीरको दुखाइबाट राहत दिन्छ ।