सुनको मूल्य अहिलेसम्मकै उच्च, कति पुग्यो प्रतितोला ? 

काठमाडौँ–अन्तर्राष्ट्रिय बजारमा सुनको मूल्य बढेसँगै स्थानीय बजारमा पनि त्यसको प्रभाव परेको छ । नेपाल सुनचाँदी व्यवसायी महासङ्घका अनुसार छापावाल सुनको मूल्य प्रतितोला रु एक लाख १७ हजार सात सय र तेजाबी सुनको मूल्य प्रतितोला  एक लाख १७ हजार १५० रुपैयाँ कायम भएको छ ।

सोमबार छापावाल सुनको मूल्य प्रतितोला एक लाख १७ हजार ४०० रुपैयाँ  र तेजाबी सुनको मूल्य प्रतितोला एक लाख १६ हजार ८५० रुपैयाँमा कारोबार भएको थियो । यसैगरी, प्रतितोला चाँदीको मूल्य एक हजार ५०० रुपैयाँ निर्धारण भएको छ ।