नेपाली महिला फुटबल टोलीका नवनियुक्त मुख्य प्रशिक्षक वाइल्डले के भने ?

काठमाडौँ – राष्ट्रिय महिला टोलीका नवनियुक्त मुख्य प्रशिक्षकमा प्याट्रिक डे वाइल्डले आफ्नो अनुभवका आधारमा नेपाली टोलीलाई बलियो बनाउदै लैजाने बताएका छन् ।

अखिल नेपाल फुटबल संघ (एन्फा)ले शुक्रबार ललितपुरस्थित एन्फा कम्प्लेक्समा आयोजना गरेको स्वागत कार्यक्रममा आगामी खेलमा राम्रो नजिता ल्याउने गरी आफ्नो अनुभवका आधारमा नेपाली टोलीलाई बलियो बनाउदै लैजाने बताएका हुन् ।

नेपालमा रहँदा उत्कृष्ट प्रशिक्षकको भूमिका निर्वाह गर्ने उनले बताए । उनले एएफसी महिला एसियन कप छनोटमा राम्रो नतिजा ल्याउने गरी प्रशिक्षणमा केन्द्रीत हुने उल्लेख गरे ।

फुटबलमा असम्भव केही नरहेको भन्दै उनले राम्रो तयारी गर्न सके राम्रो नजिता आउने बताए ।

एन्फा प्रवक्ता सुरेश शाहले राष्ट्रिय महिला टोलीका नवनियुक्त मुख्य प्रशिक्षकमा प्याट्रिकसंग एक वर्षको सम्झौता गरेको जानकारी दिए । सिफारिस समितिको सिफारिस अनुसार प्याट्रिकलाई एन्फाले नियुक्त गरेको भन्दै उहाले राष्ट्रिय महिला टोली थप बलियो भएर अघि बढ्ने विश्वास व्यक्त गरे ।

युइएफए प्रो–लाइसेन्स होल्डर प्याट्रिकले उज्बेकिस्तानमा हुने एएफसी महिला एसियन कप २०२६ छनोटअन्तर्गत लाओसविरुद्धको खेलमार्फत प्रशिक्षकको भूमिकामा नेपाली टोलीमा डेब्यु गर्ने एन्फाले जनाएको छ । सो खेल २९ जुनमा हुनेछ ।

नेपालले दोस्रो खेल श्रीलंका र अन्तिम खेल घरेलु टोली उज्बेकिस्तानसँग खेल्नेछ । समूहको शीर्ष स्थानमा रहने टोलीले अस्ट्रेलियामा हुने एसिया कपमा स्थान बनाउने छ ।