काठमाडौंका विभिन्न अस्पतालमा छापा, १२ नक्कली डाक्टर पक्राउ

काठमाडौं – प्रहरीले काठमाडौंका विभिन्न अस्पतालमा छापा मारेर १२ जना ‘नक्कली डाक्टर’ लाई पक्राउ गरेको छ ।

प्रहरीको केन्द्रीय अनुसन्धान ब्यूरो (सीआईबी) ले मेडिकल काउन्सिल र उपभोक्ता हित संरक्षण मञ्चको समन्वयमा सोमबार १२ जनालाई पक्राउ गरेको हो ।

पक्राउ परेकाहरुको विवरण भने सार्वजनिक गरिएको छैन ।

मेडिकल काउन्सिलका एक अधिकारीले भने, ‘१२ जना पक्राउ परेका छन् । उनीहरुमाथि थप अनुसन्धान भइरहेकाले विवरण सार्वजनिक गरिएको छैन ।’