काठमाडौँ – सञ्चार तथा सूचना प्रविधिमन्त्री रेखा शर्माले रेडियो नेपाल र नेपाल टेलिभिजनसंगै गोरखापत्रलाई पनि एकीकृत गर्न सकिने बताएकी छन् ।
ADVERTISEMENT
सिंहदरबारमा मंगलबार बसेको प्रतिनिधिसभा अन्तर्गतको स्वास्थ्य तथा सूचना प्रविधि समितिमा सार्वजनिक सेवा प्रसारण विधेयकमाथिको छलफलका क्रममा उनले तीनवटै सञ्चारमाध्यमलाई एकीकृत गर्न संशोधन प्रस्ताव समेत आएको अवस्थामा त्यसलाई समितिले स्वीकार गरे कुनै समस्या नहुने बताएकी हुन् ।
ADVERTISEMENT
उनले रेडियो नेपाल र नेपाल टेलिभिजनलाई एकीकृत गर्ने गरी सरकारले प्रस्तुत गरेको विधेयकले सार्वजनिक सेवा प्रसारणलाई नै जोड दिएको बताइन् । डिजिटल प्लेटफर्मका अन्य सञ्चारमाध्यमलाई समेट्ने अलग्गै कानुनहरु रहेको अवस्थामा सार्वजनिक सेवा प्रसारणकै दृष्टिकोणबाट ल्याइएको विधेयकलाई सोही अनुसार नै अघि बढाउनुपर्नेमा जोड दिए ।
बैठकमा समिति सदस्यहरुले सार्वजनिक सेवा प्रसारण र सार्वजनिक सेवा मिडियामा विधेयक स्पष्ट हुनुपर्ने धारणा राखेका थिए । मन्त्री शर्माले भने सार्वजनिक सेवा प्रसारण नाममा विधेयक आएकाले यसलाई सरकारले परिमार्जन गर्न नसक्ने स्पष्ट पारिन् ।
