काठमाडौँ – भौतिक पूर्वाधार तथा यातायात मन्त्री रघुवीर महासेठले राष्ट्रिय गौरवको आयोजनाहरुलाई समयमा नै सम्पन्न गर्न बजेटको समस्या हुन नदिने बताएका छन् ।
ADVERTISEMENT
सिंहदरबारमा बिहीबार बसेको प्रतिनिधिसभा अन्तर्गतको पूर्वाधार विकास समितिको बैठकमा उनले विभिन्न समस्या समाधान गर्दै राष्ट्रिय गौरवको आयोजनाहरु अघि बढेको भन्दै समयमा नै आयोजना सम्पन्न गर्न बजेटको समस्या हुन नदिने बताएका हुन् ।
ADVERTISEMENT
मन्त्री महासेठले करिव १८ सय किलोमिटर रहेको हुलाकी सडकखण्डको कामले गति लिएपनि केही खण्डमा समस्या देखिएकाले असार मसान्तभित्र समस्या समाधान गरी काम गर्न अल्टिमेटम दिएको जानकारी दिए । उनले महिनाको डेडलाख सवारी चालक अनुमति पत्र छाप्ने गरी काम सुरु भइसकेको भन्दै पूर्ण रुपमा छाप्न १२ देखि १४ महिना लाग्ने जिकिर गरे । उनले सवारी चालक अनुमति छपाइमा अव समस्या नहुने दाबी गरे ।
बैठकमा समिति सदस्यहरुले विभिन्न आयोजनाहरु समयमा नै सम्पन्न नहुँदा आम जनतालाई समस्या परेको भन्दै राज्यले गम्भीर भएर ध्यान दिनुपर्ने सुझाव दिएका थिए । समिति सदस्य माधव सापकोटाले समयमा नै काम नभएको गुनासो जनताले गरेपनि निर्माण कम्पनीलाई कारवाही गर्न नसकिएको बताए ।
त्यस्तै समिति सदस्य ज्ञानेन्द्र शाहीले कर्णालीलाई दिइएको विकास बजेट निकै कम भएको भन्दै आगामी वर्षको बजेटमा सरकारले यसलाई ध्यान दिनुपर्ने बताए । कर्णालीका अधिकांश स्थानको बाटो निकै दयनिय भएको भन्दै उनले सरकारले नसके आफै बिकास गर्ने बताए ।
त्यस्तै अन्य समिति सदस्यहरुले ठेक्का लिएर समयमा नै आयोजना सम्पन्न गर्ने कम्पनीलाई कडा कारवाही गरि क्षतिपूर्ति भराउने व्यवस्था गर्न समेत सुझाव दिएका थिए ।
