इलाम–२ का नवनिर्वाचित सांसद नेम्वाङद्वारा शपथ ग्रहण

काठमाडौँ– इलाम – २ बाट उपनिर्वाचनमा निर्वाचित नेकपा एमाले सांसद सुहाङ नेम्वाङले शपथ ग्रहणगरेका छन् ।

उनलाई सिंहदरबारस्थित कृषि, सहकारी तथा प्राकृतिक स्रोत समितिको सभाहलमा सभामुख देवराज घिमिरेले प्रतिनिधि सभा सदस्यको लोगो लगाएर सांसदको रूपमा जिम्मेवारी दिएका हुन् ।

यही वैशाख १५ गते सम्पन्न उपनिर्वाचनमा नेम्वाङ विजयी भएका थिए । नेपाली कांग्रेसका डम्बर खड्कालाई ५८३० भोटले पछि पार्दै सुहाङले प्रतिनिधिसभा सदस्यको यात्रा तय गरेका हुन् ।

सुहाङले २७ हजार ७७२ भोट पाउँदा कांग्रेसका खड्का २१ हजार ९४२ भोटमा रोकिएका थिए ।