काठमाडौँ– सत्तारुढ दलको बैठक सकिएको छ । आज बिहन सिंहदरबारमा जारी प्रधानमन्त्री पपुष्पकमल दाहाल ‘प्रचण्ड’ सहित नेकपा एमाले अध्यक्ष ओली र रास्वपाका सभापति रवि लामिाछनेको छलफल सकिएको हो ।
सत्तारुढको छलफलकै समयमा प्रमुख प्रतिपक्ष दल नेपाली कांग्रेसले तत्काल आह्वान गरेको विपक्षी दलका बैठक भने नयाँ बानेश्वरस्थित संसद भवनमा जारी छ । बैठक नसकिएको कारण देखाउँदै कांग्रेसले केही समय मागेपछि प्रतिनिधिसभाको बैठक बस्न ढिलाइ भएको छ।
बैठकमा कांग्रेसबाट सभापति देउवासहित, उपसभापतिद्वय पूर्णबहादुर खड्का, धनराज गुरुङ, महामन्त्री गगन थापा, प्रमुख सचेतक रमेश लेखक, नेता शशांक कोइराला, जसपामा अध्यक्ष उपेन्द्र यादव, नेता राजकिशोर यादव, राप्रपाका नेताद्वय धवलशम्शेर राणा र ज्ञानेन्द्र शाही, लोसपा अध्यक्ष महन्थ ठाकुर र शरदसिंह भण्डारी सहभागी छन् ।