काठमाडौं – हिमालयन बैंकका अध्यक्षविरुद्ध अख्तियार दुरुपयोग अनुसन्धान आयोगमा उजुरी दिएको भन्ने समाचारप्रति हिमालयन बैंक कर्मचारी संगठनले आपत्ति जनाएको छ ।

आर्थिक राष्ट्रिय दैनिक पत्रिकाको मंसिर २ गते प्रकाशित समाचारमा बैंकका अध्यक्ष अर्यालविरुद्ध अख्तियारमा उजुरी परेको र त्यसमा हिमालयन बैंक कर्मचारी संगठनको नाम जोडिएको थियो ।


ADVERTISEMENT

#


उक्त समाचार भ्रामक र झुटो भएको भन्दै संगठनले विज्ञप्तिमार्फत खण्डन गरेको हो ।

संगठनका अध्यक्ष सुमनकुमार मिश्रद्वारा जारी विज्ञप्तिमा बैंकका अध्यक्षविरुद्ध कुनै पनि निकायमा उजुरी नदिएको स्पष्ट पारिएको छ । समाचारमा संगठनको नाम जोडेर गलत सूचना प्रवाह गरिएको भन्दै संगठनले त्यसप्रति गम्भीर ध्यानाकर्षण भएको जनाएको छ ।


ADVERTISEMENT

#
#


साथै, विज्ञप्तिमार्फत सम्पूर्ण सञ्चारमाध्यम तथा पत्रकारलाई समाचारको सत्यताबारे जानकारी गराउँदै प्रकाशित समाचारको खण्डन गरिएको छ ।