पहिलो महिला मुख्यसचिव बनेपछि गड्तौलाले भनिन् : इतिहास रच्ने कल्पना गरेकी थिइनँ

काठमाडौँ – नवनियनियुक्त मुख्यसचिव लीलादेवी गड्तौलाले आफ्नो नियुक्तिले निकै जिम्मेवारीबोध भएको बताएकी छन् ।

नेपाल सरकारको पहिलो महिला मुख्यसचिवमा बनेपछि काठमाडौंमा आयोजित एक कार्यक्रममा प्रतिक्रिया दिँदै गड्तौलाले मुख्यसचिव आफूले कल्पना गरेको पद नभएको बताइन् । ‘मलाई अहिले एकदमै जिम्मेवारीबोध भएको महसुस गरेको थिइनँ । वास्तवमा मैँले कल्पना गरेको पद पनि होइन’ उनले भनिन्, ‘सायद कर्म र भाग्यले साथ दिएर होला, छोटो समयमा पनि पहिलो महिला मुख्यसचिवको रुपमा नाम राख्न अवसर प्राप्त भयो ।’

उनाले महिलालाई मुख्यसचिव बनाएकोमा धन्यवाद दिइन् भने मन्त्रिपरिषद्मा महिलाका एजेण्डाहरु राम्रोसंग अघि बढिरहेको उल्लेख गरिन् ।

बिहीबार बसेको मन्त्रिपरिषद् बैठकले गड्तौलालाई मुख्यसचिव बनाएको हो । गत असार ९ गते तत्कालीन मुख्य सचिव डा. बैकुण्ठडा अर्याल भ्रष्टाचारको मुद्दामा निलम्बित भएपछि गड्तौला निमित्त मुख्य सचिवको रुपमा जिम्मेवारीमा थिइन् । वरिष्ठ सचिवको रुपमा उनले जिम्मेवारी पाएकी थिइन् । त्यसअघि उनलाई असार ३१ गते कायमुकायम मुख्यसचिवको जिम्मेवारी दिइएको थियो ।