धनुषा — प्रदेशसभा २ को बैठकमा सहभागी हुन काठमाडौबाट जनकपुर आउदै गरेका सर्लाही १ (क) का राजपा सांसद उपेन्द्र महतो चढेको गाडी दुर्घटनामा परेको छ ।
टिपरसंग ठोकिएर गाडीमा क्षति पुगेपनि सांसद महतो भने सकुशल रहेको प्रहरीले जनाएको छ। काठमाडौंबाट बीपी राजमार्ग हुदै बा ११ च ९५१९ नम्वरको निजी स्कारपियो जिपमा सवार महतोको गाडी मंगलटार नेपालथोक बिचमा बिहीबार बिहान ९ बजेतिर बा ४ छ ३६३६ नम्बरको टिपरसंग ठोकिएको ईलाका प्रहरी कार्यालय मंगलटारले जनाएको छ।
अगाडिको टिपर अचानक रोकिँदा महतो चढेको गाडी ठोकिएको थियो। टिपरले खाल्डोबाट जोगिन ब्रेक लगाउँदा जिप ठोकिएको ईलाका प्रहरी कार्यालय मंगलटारका प्रहरी निरीक्षक शंकर श्रेष्ठले बताए।
प्रदेश २ का मुख्यमन्त्री मोहम्द लालबाबु राउतले बिहीबार प्रदेशसभा बैठकमा विश्वासको मत सामना गर्दैछन्। सांसद महतो अर्को गाडीमा जनकपुर आईरहेका छन्।