रवि लामिछानेविरुद्ध पर्सामा पनि पक्राउ पुर्जी जारी

काठमाडौँ – राष्ट्रिय स्वतन्त्र पार्टी (रास्वपा)का सभापति रवि लामिछानेविरुद्ध पर्सामा पनि पक्राउ पूर्जी जारी भएको छ । बुधबार जिल्ला अदालत पर्साले रविसहित १४ जनालाई पक्राउ गर्न प्रहरीलाई अनुमति दिएको हो ।

सहकारी रकम अपचलन मुद्दामा रवी गत कार्तिक २ गते काठमाडौँमा पक्राउ परेका थिए । उनलाई सोही राती काठमाडौँबाट पोखरा लगिएको थियो । त्यसपछि उनीविरुद्ध रुपन्देही, काठमाडौँ र चितवनमा समेत पक्राउ पूर्जी जारी भएको थियो ।

रविलाई पोखराबाट बयानका लागि रुपन्देही लगिएको थियो भने बयान सकिएपछि पोखराबाट फेरि काठमाडौँ ल्याइएको थियो । काठमाडौँमा समेत बयान सकिएपछि उनलाई मंगलबार चितवन लगिएको थियो ।

उनको चितवनमा बयान भइरहेको छ ।