कुलमानको पक्षमा नयाँ बानेश्वरमा विभिन्न समूहको प्रदर्शन (तस्बिरमा)

काठमाडौँ– नेपाल विद्युत् प्राधिकरणका निर्देशक कुलमान घिसिङलाई हटाएको विरोधमा विभिन्न पक्षमा नयाँ बानेश्वरमा प्रदर्शन गरेका छन् ।

काठमाडौंको माइतीघर मण्डलाबाट कुलमानका समर्थकहरू प्रदर्शन गर्दै नयाँ बानेश्वर चोकसम्म आइपुगेका थिए ।

सो क्रममा प्रदर्शनकारीहरू र सुरक्षाकर्मीत्री धक्कामुक्की पनि भएको छ । प्रदर्शनकारीहरु निषेधित क्षेत्र तोड्दै अघि बढ्न खोजेपछि प्रहरीसँग धक्कामुक्की भएको हो ।

सोमबार बसेको मन्त्रिपरिषद्को बैठकले कुलमानलाई बर्खास्त गर्ने निर्णय गरेको थियो। कुलमानलाई हटाएसँगै सरकारले प्राधिकरणको कार्यकारी निर्देशकमा हितेन्द्रदेव शाक्यलाई नियुक्त गर्ने निर्णय गरेको छ ।