त्रिभुवन विमानस्थलमा यूएस बंगलाको विमान दुर्घटना, उद्दार कार्य जारी

काठमाडौं – त्रिभुवन अन्तराष्ट्रिय विमानस्थलमा यूएस बंगलाको विमान दुर्घटना भएको छ । बंगलादेशको ढाकाबाट आएको विमान अवतरणका क्रममा दुर्घटना भएको हो ।

प्रत्यक्षदर्शीहरुका अनुसार विमान अनियन्त्रित भएर आएको थियो । अहिले विमानमा आगो लागेको छ । उद्दार कार्य जारी छ ।

विमान दुर्घटनापछि उडान तथा अवतरण रोकिएको छ । विमानमा ७८ जना सवार रहेको बुझिएको छ । थप विवरण आउन बाँकी छ ।