काठमाडौँ– त्रिभुवन अन्तराष्ट्रिय विमानस्थलमा यूएस बंगलाको विमान दुर्घटना भएको छ । बंगलादेशको ढाकाबाट आएको विमान अवतरणका क्रममा दुर्घटना भएको हो ।
प्रत्यक्षदर्शीहरुका अनुसार विमान अनियन्त्रित भएर आएको थियो । अहिले विमानमा आगो लागेको छ । घाइतेलाई सिनामंगलस्थित केएमसी अस्पतालमा उपचारका लागि लगिएको छ । एकिन तथ्य बाहिर नआएपनि केहीको अवस्था भने गम्भीर रहेको जनाइएको छ ।
विमान दुर्घटनापछि उडान तथा अवतरण रोकिएको छ । विमानमा ७८ जना सवार रहेको बुझिएको छ । थप विवरण आउन बाँकी छ । उद्दार कार्यमा प्रहरी, सेना लगायत लागि परेका छन् ।
यो दुर्घटनासंग नेपालमा ४७ वटा विमान दुर्घटना भएका छन् ।