विवाहको एक महिना नपुग्दै युवतीको गयो ज्यान

पाल्पा–गुल्मीमा प्रेमीको ‘ब्ल्याक मेलिङ’बाट एक युवतीले ज्यान गरेको तीन दिन नवित्दै छिमेकी जिल्ला पाल्पामा विवाह भएको एक महिना नवित्दै अर्की महिलाको पनि मृत्यु भएको छ ।

ईलाका प्रहरी कार्यालय वुटवलका प्रमुख डिएसपी केशव भट्टराईका अनुसार शनिबार साँझ वुटवल ट्राफिकचोकस्थित वुर्तिबाङ्ग होटलको कोठामा झुण्डिएको अवस्थामा एक महिला मृत फेला परिन् । यसरी भेटिएकी महिला थिइन्–तानसेन नगरपालिका वडा नम्वर ३ की १९ वषिैया राधिका न्यौपाने । उनको विवाह भएको एक महिना पनि नभएको बुझिएको छ ।

राधिकाले होटलमा श्रेया नेपाल नाम लेखाएर हिजो विहान १०/११ बजेको समयमा कोठा बुक गरेर बसेको र साँझपख मृत फेला परेकी थिईन् । प्रहरीका अनुसार वुटवल–५, गोलपार्क उनको माईती घर भएको र उनको गत फागुनमा पाल्पामा विवाह भएको थियो ।

घटनाको थप अनुसन्धानका लागि प्रहरीले पाल्पामा रहेका पाण्डे थरका उनका श्रीमानलाई बोलाएको र उनी आएपछि मात्र थप कारण कुरा खुल्ने बताएको छ ।