स्थायी राजधानी कायम गर्न माग गर्दै हैटौंडामा प्रदर्शन

काठमाडौं–प्रदेश–३ को स्थायी राजधानी हैटौंडा नै कायम गर्न माग गर्दै विद्यार्थीहरुले बिहीबार प्रदर्शन गरेका छन् । काभ्रेलाई प्रदेश राजधानी बनाउन प्रस्ताव दर्ता भए लगत्तै मकवानपुर बहुमुखी क्याम्पस र हेटौंडा क्याम्पस स्वत्रन्त्र विद्यार्थी युनियनले हेटौंडामा प्रदर्शन गरेका हुन् ।

क्याम्पसबाट बु्द्धचोकसम्म नारा जुलुसहित आएका विद्यार्थीले हेटौंडालाई कायम गर्न र अन्यत्र नसार्न माग गर्दै नाराबाजी गरेका थिए ।

जुलुसपछि आयोजित कोणसभामा हेटौंडा क्याम्पसका स्ववियु सभापति उमेश पुरीले राजधानीको लागि हेटौंडाको विकल्प नभएको भन्दै सार्ने प्रस्ताव विद्यार्थीलाई सह्य नहुने दाबी गरे । उनीहरुले प्रदेश सभा भवन घेराउ लगायतका थप संघर्षका कार्यक्रम ल्याउने चेतावनी समेत दिएका छन् ।