छुट्टाछुट्टै सवारी दुर्घटनामा ३ जनाको मृत्यु

काठमाडौं– शनिबार विभिन्न स्थानमा भएका सवारी दुर्घटनामा तीन जनाको मृत्यु भएको छ। यस घटनामा एक जना स्कुटर चालक, एक जना मोटरसाइकल चालक र एक जना ट्याक्टर चालकको मृत्यु भएको छ।

मोरङको विराटनगर महानगरपालिका ४ स्थित सडकमा एक सिटी सफारीले प्रदेश १०–१–०१५ प २१९७ नम्बरको स्कुटरलाई ठक्कर दिँदा स्कुटर चालक ३० वर्षीय प्रदिप बहादुर भण्डारीको मृत्यु भएको हो। उनी सुन्दरहरैँचा नगरपालिका ४ का निवासी थिए र सर्लाही घर भएका थिए। दुर्घटनामा गम्भीर घाइते भएका भण्डारीको नोवेल अस्पताल विराटनगरमा उपचारको क्रममा मृत्यु भएको हो । सिटी सफारी चालक भने फरार रहेको छ ।

शनिबार राति ललितपुरको गोदावरी नगरपालिका १२ ठेचोस्थित सडकमा ट्याङ्करले मोटरसाइकललाई ठक्कर दिदा मोटरसाइकल चालक कमल सिंह ठकुरीको मृत्यु भएको छ। उनी ललितपुर ठेचोका निवासी र कैलाली घर भएका थिए। दुर्घटनामा गम्भीर घाइते भएका उनलाई पाटन स्वास्थ्य विज्ञान प्रतिष्ठान अस्पतालमा ल्याइएको थियो । उपचारको क्रममा उनको मृत्यु भएको हो। ट्याङ्कर चालकलाई प्रहरीले नियन्त्रणमा लिएको छ।

त्यसैगरी, महोत्तरीको रामगोपालपुर नगरपालिका ३ बर्दिबासस्थित सडकमा ट्याक्टरले मोटरसाइकललाई ठक्कर दिँदा मोटरसाइकल चालक मनोज कुमार मण्डलको मृत्यु भएको छ। दुर्घटनामा गम्भीर घाइते भएका मण्डलको उपचारको क्रममा मृत्यु भएको हो।

प्रहरीले यी तीन घटनामा अनुसन्धान गरिरहेको जनाएको छ।