दुईजना बालकलाई बिद्यालय भर्ना गर्दै प्रचण्ड

काठमाडौं–नेकपा माओवादी केन्द्रका अध्यक्ष पुष्पकमल दाहाल प्रचण्डले नेपाल सरकारको बालबालिका भर्ना अभियान अन्तर्गत आज (बुधवार) पश्चिम चितवनको मेघौलीमा अल्पसंख्य समुदायका बालबालिकाहरुलाई विद्यालय भर्ना गर्ने भएका छन् ।

प्रचण्डले बिहान ११ बजे चितवनको मेघौलीस्थित साझापुर माध्यमिक विद्यालयमा माझी र मुसहर समुदायका दुई बालकको विद्यालयमा भर्ना गरि अभिभावकत्व ग्रहण गर्ने छन् । प्रचण्डले ९ वर्षका अरुण मुसहर र ५ वर्षका पत्रुस माझीलाई विद्यालयमा भर्ना गर्ने बताइएको छ ।

उनको अभिभावकत्वमा दुई बालकले कक्षा १२ सम्म निःशुल्क अध्ययन गर्न पाउनेछन् । मेघौलीको उक्त क्षेत्र अल्पसंख्यक माझी, बोटे र मुसहरको बाहुल्य रहेको क्षेत्र हो ।