रेलवे स्टेशनमा रेल कुरिरहेका ‘मोदी’, पत्याउनै नसकिने तस्विर

एजेन्सी – भारतको केरलमा बस्ने एमपी रामचन्द्रन अहिले सामाजिक सञ्जालमा भाइरल भइरहेका छन् । भारतीय मिडियाका अनुसार पायनूर रेलवे स्टेशनमा रेल कुरिरहेका उनको तस्बिर एकाएक भाइरल बनेपछि उनी चर्चामा आएका हुन् ।

भारतका प्रधानमन्त्री नरेन्द्र मोदीजस्तै देखिने उनले चाँडै नै फिल्म खेल्ने र नोटबन्दीमाथि बन्न लागेको फिल्म स्टेटमेन्ट ८/११ मा उनी मोदीको भूमिकामा देखिने भएका छन् ।

भारतीय अनलाइन ‘फर्स्टपोष्ट’का अनुसार उक्त फिल्ममा रामचन्द्रनको तीन/चार वटा सीन भएको बताइएको छ । जसमा एउटा नोटबन्दीको घोषणाको हुनेछ । स्टेटमेन्ट ८/ ११ एक कन्नड फिल्म हो जसलाई अप्पी प्रसादले निर्देशन गरिरकेका छन् । स्मरण रहोस्, कर्नाटकमा विधानसभाको चुनाव नजिकिँदो छ ।