निर्वाचनका लागि अझै बनेन ढुक्कको वातावरण : अध्यक्ष ओली

काठमाडौं – नेकपा एमालेका अध्यक्ष केपी शर्मा ओलीले अझै पनि चुनावका लागि ढुक्कको वातावरण बन्न नसकेको बताए ।

आइतबार झापाको भद्रपुर बिमानस्थलमा सञ्चारकर्मीसंग कुरा गर्दै ओलीले अहिलेसम्म हेर्दा अझै पनि तोकिएको समयमा ढुक्कका साथ निर्वाचन हुनेमा संशय रहेको बताएका हुन् ।

ओलीले बंगलादेशमा जस्तै नेपालमा पनि सामाजिक सञ्जालमा पपुलर भएका व्यक्तिहरु थोरै सिटमा समेटिने जिकिर गरे । आसन्न निर्वाचनका लागि आफु सवै मतदाताको घर–घरमा पुग्ने प्रयास गर्ने उनले बताए ।

झापा क्षेत्र नं. ५ का उम्मेदवार ओली मतदाता भेटघाट तथा अन्य निर्वाचन केन्द्रीत कार्यक्रमका लागि झापा पुगेका हुन् ।