स्पेनको विश्वकप टोलीको घोषणाः चेल्सीका स्ट्राइकर मोराता अटाएनन्

एजेन्सी–चेल्सीका स्ट्राइकर एलभारो मोराता रशियामा हुने विश्वकप टोलीमा पर्न असफल भएका छन् । स्पेनले सोमबार घोषणा गरेको टोलीमा उनी छैनन् ।

प्रिमियर लिगमा गतिलो प्रदर्शन गर्न नसकेपछि विश्वकप टोलीमा स्पेनी प्रशिक्षक जुलेन लोपेटेगुइले उनलाई नराखेका हुन् । जुलेनले टोलीमा लागो एसपास, रोड्रोगो मोरेनो तथा डिएगो कोस्टालाई छनौट गरेका छन् ।

यी तीन जना खेलाडीको आफ्नै विशिष्टतालाई ध्यानमा राख्दै टोलीमा राखेको जुलेनले बताएका छन् । त्यस्तै टोलीमा सम्भावित खेलाडी भनेर हेरिएका मार्कोश एलोन्सो तथा सेस फाब्रेगास पनि टोलीमा पर्न असफल भएका छन् ।

प्रशिक्षक जुलेनले टोलीको घोषणा गर्न कठिन भए पनि आफूले अत्यन्तै सन्तुलित टोली बनाएको बताएका छन् ।

स्पेनी टोलीः

गोलकिपरः डेभिड दि जिए, पेपे इना, केपा एरिजाबाल्गा

डिफेन्डरः जोर्डी अल्बा, णाचो मोनरियल, एलभारो ओड्रियोजोला, नाचो फ्रानानदिज, डानी कारभजाल, जेराड पिक, सर्जियो रामोश, सेसार एजपिलिक्यूटा

मिडफिल्डरस्ः सरजियो बसक्वोट्टस, इशको, थिएगो एलक्न्ट्रा, डेभिड सिल्भा, एन्ड्रि इनेश्टा, साउल निगोएज, कोके

फर्वार्डः मार्को एसेनसिओ, इएगो एसपास, डिएगो कोस्टा, रोष्रिगो मोरिनो, लुकास भाजक्वोएज