बिपक्षीको आरोप; प्रधानमन्त्री र सभामुखबाट संसद नियमावलीको गम्भीर उल्लङ्घन, संसदीय अभ्यास कमजोर बनाइएको दाबी

काठमाडौँ – प्रतिनिधिसभा बैठकमा बिपक्षी दलहरूले प्रधानमन्त्री र सभामुख दुवैको भूमिकामाथि गम्भीर प्रश्न उठाउँदै संसद नियमावलीको पालना नभएको आरोप लगाएका छन्। बिपक्षी सांसदहरूले संसद सञ्चालन निष्पक्ष, पारदर्शी र लोकतान्त्रिक अभ्यासअनुसार हुनुपर्ने भए पनि त्यसको विपरीत गतिविधि भइरहेको दाबी गरेका छन्।

बिपक्षीका अनुसार प्रधानमन्त्रीले संसदलाई छल्ने, अपमान गर्ने तथा संसदीय प्रक्रियालाई कमजोर बनाउने कार्य गरेको आरोप लगाइएको छ।

उनीहरूले प्रधानमन्त्रीको कार्यशैलीले संसदको गरिमा मात्र होइन, लोकतान्त्रिक प्रणालीमै असर पार्ने खतरा रहेको बताएका छन्।
त्यसैगरी सभामुखको भूमिकामाथि पनि बिपक्षी दलहरूले कडा आलोचना गरेका छन्।

उनीहरूको भनाइ अनुसार सभामुखले प्रतिनिधिसभा नियमावलीअनुसार बैठक सञ्चालन नगरेको, बिपक्षीलाई समान अवसर नदिएको तथा संसदीय मर्यादाभन्दा बाहिर गएर निर्णयहरू गरिएको देखिएको छ। यसले संसदभित्र असन्तुलन र अविश्वास बढाएको बिपक्षीको आरोप छ।

बिपक्षी दलहरूले प्रधानमन्त्री र सभामुख दुवैलाई आफ्नो भूमिकाप्रति गम्भीर बन्न आग्रह गर्दै संसदलाई निष्पक्ष र व्यवस्थित रूपमा सञ्चालन गर्न माग गरेका छन्। साथै, नियमावलीको पूर्ण पालना सुनिश्चित गर्न तत्काल सुधारात्मक कदम चाल्नुपर्ने उनीहरूको जोड छ।

यसबीच सत्तापक्षले भने प्रधानमन्त्री र सभामुख दुवैले संविधान, कानून र संसदीय नियमावलीअनुसार नै आफ्नो जिम्मेवारी निर्वाह गरिरहेको स्पष्ट पारेको छ। सत्तापक्षका अनुसार बिपक्षीको आरोप राजनीतिक उद्देश्यबाट प्रेरित भएको र संसदलाई अनावश्यक रूपमा तनावपूर्ण बनाउने प्रयास मात्र भएको हो।

संसदमा देखिएको यो विवादका कारण बैठक केही समय अवरुद्ध भएको छ भने वातावरण केही समय तनावपूर्ण बनेको छ।