राप्रपा विवाद चर्किँदा बागमतीमा अन्योल, थापाको विश्वासको मत के होला?

काठमाडौं – राष्ट्रिय प्रजातन्त्र पार्टी (राप्रपा) भित्रको विवाद चर्किएपछि बागमती प्रदेशसभाको बैठक प्रभावित भएको छ। सोमबार दिउँसो १ बजेका लागि बोलाइएको प्रदेशसभा बैठक निर्धारित समयमा बस्न नसकेपछि साँझ ५ बजेका लागि सारिएको छ।

राप्रपाभित्र देखिएको आन्तरिक विवादका कारण बैठक सञ्चालनमै अन्योल देखिएको हो। प्रदेशसभा सचिवालयले बैठकको समय परिवर्तन गरी साँझ ५ बजेका लागि निर्धारण गरिएको जनाएको छ।

यसैबीच, आजको बैठकमा बागमती प्रदेशका मुख्यमन्त्री किरण थापाले विश्वासको मत लिने कार्यक्रम रहेको छ। तर, राप्रपाभित्रको विवादका कारण प्रदेशसभाको राजनीतिक समीकरणमा अन्योल बढेपछि मुख्यमन्त्री थापाले विश्वासको मत पाउने विषयसमेत चासोको विषय बनेको छ।

मुख्यमन्त्री थापाका लागि विश्वासको मत लिनुपर्ने आजको बैठक महत्वपूर्ण मानिएको छ। तर बैठक नै निर्धारित समयमा बस्न नसकेपछि सरकारको आगामी राजनीतिक अवस्थाबारे थप अन्योल सिर्जना भएको छ।

साँझ ५ बजे बस्ने भनिएको बैठकमा मुख्यमन्त्री थापाले विश्वासको मत लिने प्रक्रिया अघि बढाउने तयारी छ। यद्यपि, राप्रपाभित्रको विवादले अन्तिम समयमा कस्तो राजनीतिक प्रभाव पार्छ भन्ने विषयमा सबैको ध्यान केन्द्रित भएको छ।

बागमती प्रदेशसभामा देखिएको पछिल्लो राजनीतिक घटनाक्रमले मुख्यमन्त्री थापाको सरकारको भविष्यलाई समेत चासोको विषय बनाएको छ। अब साँझ बस्ने प्रदेशसभा बैठकले विश्वासको मतसम्बन्धी अन्योल हटाउँछ वा थप नयाँ राजनीतिक परिस्थिति सिर्जना गर्छ भन्ने हेर्न बाँकी छ।