काठमाडौं – विपद् प्रभावित जिल्लाहरूबाट पोस्टमार्टमका लागि काठमाडौं ल्याइएका ११४ मध्ये १३ शवको मात्रै पहिचान खुलेको छ ।
ADVERTISEMENT
भोटेकोशीको बाढी प्रभावित क्षेत्र रसुवा, नुवाकोट र धादिङबाट त्रिवि शिक्षण अस्पतालमा ११४ वटा शव ल्याइएको थियो । तीमध्ये सनाखत भएको १२ वटा शव परिवारले बुझेर दाहसंस्कार गरेका छन् ।
ADVERTISEMENT
पहिचान हुन नसकेका ४६ वटा शवहरू काठमाडौंको गोकर्णको जङ्गलमा सुरक्षित रूपमा गाडेर व्यवस्थापन गरिएको छ । गोकर्णेश्वर नगरपालिका–७ स्थित दक्षिणढोका जङ्गलमा गाडेर शव व्यवस्थापन गरिएको जिल्ला प्रशासन कार्यालय काठमाडौंका एकजना अधिकृतले हिमालयपोष्टलाई बताए ।
स्थानीय प्रशासनले सोमबार निर्णय गरेर सो क्षेत्रमा शव व्यवस्थापन गरेको हो । शव गाड्नुअघि पहिचान नखुलेका शव र टुक्राटाक्रीको डिएनए नमुना सङ्कलन, फिंगर प्रिन्ट र पाँचथान फोटो लिइएको छ ।
