काठमाडौँ– भारतमा जारी चौकाणात्मक एकदिवसीय यु–१९ सिरिजमा नेपालले लगातार दोस्रो हार ब्यहोरेको छ । नेपाल यू १९ आज भारत यू १९ ‘ए’संग ८ विकेटल पराजित भएको हो ।
ADVERTISEMENT
भारतको लखनउस्थित एकना अन्तराष्ट्रिय मैदानमा १५७ रनको सामान्य चुनौति पाएको भारत यू १९ ‘ए’ ले २४.१ ओभरमा २ विकेट गुमाउँदै लक्ष्य पूरा गरेको हो । भारतका लागि ले नट आउट ५९ रन प्रहार गरे । ६८ बलको सामना गरेका उनले ५ चौका र एक छक्का ठोके ।
ADVERTISEMENT
यस्तै कप्तान अनुज रावत ४७ रनमा आउट हुँदा प्रभिसमान सिंहले २९ बलमै ४६ रन बनाउने क्रममा ३ छक्का र २ चौका हानेर नटआउट रहे । यस्तै नेहाल वेधेराले १ रनमात्र बनाउन सके । यता नेपालका लागि कमल सिंह ऐरी र पवन सर्राफले समान १/१ विकेट लिए ।
यसअघि टस जितेर पहिले ब्याटिङ थालेको नेपाल यू १९ले ४५.५ ओभरमा सबै विकेट गुमाउँदै १५६ रनमात्रै बनाउन सक्यो । नेपालका तीन जना ब्याट्समेन बाहेक अन्यले दोहोरो अंक छुन सकेनन् ।
नेपालका लागि सन्दीप जोराले अर्धशतक प्रहार गरे । सर्वाधिक रन बनाएका उनले ९३ बलमा ५ चौका र एक छक्काको मदतमा ६६ रन बनाए । यस्तै त्रित राज दासले ४४ रन बनाए । उनले ८६ बलमा सात चौका प्रहार गरे । यस्तै भीम सार्कीले २८ रन बनाउँदा ३ चौका प्रहार गरे ।
नेपालका लागि कप्तानी सम्हालेका आशिफ सेख, रित गौतम, पवन सर्राफले खाता नै खोल्न नसकी पेवेलियन फर्किए । यस्तै रवी शाह ५, कमलसिंह ऐरी ४, सम्साद आलम ३, राशिद खान २ रनमा आउट हुँदा सागर ढकाल १ रनमा नटआउट रहे ।
भारतका लागि यतिन मेग्वानी र अजय देव गउडले समान ४/४ विकेट लिए । रोज मोहान्टी र भुपेन्द्र जैशवालले समान १/१ विकेट लिए ।
नेपालले अब अर्को खेल अफगानिस्तान यू-१९संग खेल्नेछ ।
