‘रुख र हँसिया हथौडा झण्डा घरमा राखेकाहरुले पनि यो पटक सूर्य चिन्हमा भोट हाल्ने बचन दिएका छन्’

दास्रो चरणको निर्वाचनको मौन अवधि सुरु हुनै लाग्दा विभिन्न राजनीतिक दल तथा तिनका विभिन्न संगठनहरु निर्वाचनको प्रचार प्रसारमा व्यस्त छन् । नेकपा एमालेको भातृ संगठन  युवा संघ नेपालले दास्रो चरणको निर्वाचनलाई लक्षित गरी तराई मधेशका जिल्लामा चुनावी अभियान गरेको छ । के उद्देश्य थियो त्यो चुनावी अभियानको ? अभियानका क्रममा युवा संघले  त्यहाँका आम जनतामा कस्तो प्रतिक्रिया पायो ? लगायतका विषयमा एमालेको भातृ संगठन युवा संघ नेपालका सचिवालय सदस्य रमेश आचार्यसँग गरिएको कुराकानी

तपाई निर्वाचन प्रचार प्रसारका क्रममा तराई–मधेसका जिल्लामा पुगेर भर्खरै आउनु भएको छ । त्यहाँको राजनीतिक तथा चुनावी माहोल कस्तो छ ? के कस्तो अनुभव भयो ?

मुख्यतः हाम्रो संगठन युवा संघ नेपालले दास्रो चरणको निर्वाचनमा नेकपा एमालेका सूर्य ध्वजाबाहक उम्मेद्वारलाई सहयोग गर्न प्रदेश नं. १, २, ५ र ७ मा हामीले निर्वँचन अभियान सञ्चालन गरेका छौँ । त्यो अभियानमा हाम्रो संगठनको तर्फबाट अध्यक्षदेखि सम्पूर्ण पदाधिकारी साथीहरुलाई अञ्चलगत क्षेत्र छुट्याएर जिम्मेवारी प्रदान गरिएको छ । त्यो भन्दा बाहेक केन्द्रिय कमिटी, सचिवालयका साथीहरुलाई आफ्नो भूगोलकालाइ त्यहीँ र पहिलो चरणमा निर्वाचन सम्पन्न भइसकेको जिल्लाका साथीहरुलाई आनो पायक पर्ने स्थानमा जिम्मेवारी प्रदान गरिएको छ । यो कार्यक्रमभित्र हामीले तीन चारवटा काम गर्नुपर्ने हाम्रो दायित्व थियो ।

मुख्य काम तराई मधेशमा एमालेका विरुद्धमा फैलाइएका भ्रम चिर्नु थियो । दोस्रो नेकपा एमालेका उम्मेद्वारलाई मतदातासम्म पुर्याउनका लागि सहयोग गर्नु थियो । तेस्रो नेकपा एमालेका शुभचिन्तक तथा शुभेच्छकहरुलाई हाम्रा नीति तथा सिद्धान्त र विचारका बताउनु थियो । यस अभिानमा हामीले यी कामहरु सम्पन्न गरेर आएका छौँ । निर्वाचन अभियानका क्रममा हामीले तल्लो तहका कार्यकर्ताहरु एमालेमा प्रवेश गर्ने लहर चलेको अवस्था पायौँ ।

पहिलो चरणको निर्वाचनमा एमाले पहिलो पार्टी बन्यो । दास्रो चरणको निर्वाचन हुने ठाउँमा तपाईहरु पुगेर आउनु भएको छ । त्यहाँका जनताको प्रतिक्रिया तथा भावना के कस्तो पाउनु भयो ?

यसमा कुरा गर्नुपर्दा, सत्तारुढ दलहरुले आफ्नो पक्षमा जनविश्वास छैन भन्ने ठानेर चोर बाटो प्रयोग गरेर यो निर्वाचन सम्पन्न गर्न खोजेको देखिन्छ । नेपाली कांग्रेस, माओवादी लगायतका दलहरुले जनताको मत जितेर होइन कुन्ठित गरेर जनताको मतलाई ओझेलमा पारेर चुनावका सफलता कसरी प्राप्त गर्न सकिन्छ भन्ने खालको प्रयत्न गरेको देखिन्छ । जसमा बिना कारण निर्वाचनको मिति सारेको निर्णयलाई उदाहरण दिन सकिन्छ ।

यसमा के देखिन्छ भने, माओवादी तथा कांग्रेस बलियो भएको ठाउँमा पहिले निर्वाचन गरेर त्यसको प्रभाव दास्रो चरणको निर्वाचनमा देखाउने भन्ने तयारीका साथ यो गरिएको थियो । तर, उहाँहरुकोे अनुमानको विपरित नेकपा एमालेले शानदार विजय हासिल गर्यो । यसको त्रासले गर्दा सरकार दासे चरणको निर्वाचन सम्पन्न नगर्ने पक्षमा छ तर, नेकपा एमालेको डरले बाध्य भएको छ । यी सबै कुरा हामीले आम मतदातामाझ बुझाउँदा कांग्रेस–माओवादीको झण्डा बोकेकाहरुपनि यसपाली त एमालेलाई भोट हाल्ने हो भनिरहेका छन् । जनताको हितमा काम गरेको र गर्ने पार्टी एमाले हो । यो देशलाई समृद्धिको बाटोमा एमालेले लैजान सक्छ भन्नेखालका अभिव्यक्ति हामीले आम मतदाताबाट पाएका छौँ ।

पहिलो चरणको निर्वाचनमा जुन किसिमको परिदृश्यहरु देखिए, दोस्रो चरणमा पनि विभिन्न किसिमका मोर्चाबन्दीहरु, मतदान तथा मतगणनाको समयमा हुने हुनसक्ने सम्भावित गतिविधिलाई एमालेले कसरी हेरेको छ ?

तपाईले एकदमै राम्रो प्रश्न उठाउनु भयो ।  धेरै चित्रहरु पहिलो चरणको निर्वाचनमा आए । नेकपा एमाले घरदैलो कार्यक्रममा थियो । प्रदेश नं ३ को दोलखा जिल्लाको मेलुङ गाउँपालिकामा नेकपा एमाले समर्थक कार्यकर्तामाथि रातको समयमा ढङ्गामुढा प्रहार गरेर मार्ने काम भयो । सत्तारुढ दल नेपाली कांग्रेस र माओवादीका मुख्य नेताको निर्देशनमा काभ्रेको नमोबुद्धमा एमालेका कार्यकर्ताको हत्या गरियो । तेस्रो भरतपुरमा मतपत्र च्यात्ने काम गरियो । अब ग्रामिण क्षेत्रका मतदातालाई दुई छाक मासुभात खुवाएर भोट किन्ने दाउमा सत्तरुढ दलहरु छन् ।

पहिलो चरणको निर्वाचनमा जसरी हत्या भए त्यसरी नै दास्रो चरणमा पनि हत्या गरेर जित्ने दुष्प्रयासमा नेपाली कांग्रेस तथा माओवादी लागिपरेका छन् । जुन कुरा उम्मेद्वारी दर्ताको दिन बाजुराको छेडेदहमा एमोलेका कार्यकर्ताको हत्याबाट पुष्टी भएको छ । तर, निर्वाचन नभाँडियोस् र स्वच्छ भयरसिहत वातावरणमा मतदाताले आफ्नो मताधिकारका प्रयोग गर्न पाउन भनेर नेकपा एमाले र युवासंघ नेपालले केही संयमता अपनाएको हो । यदि सत्तारुढ दलले त्यस्तो खालका हर्कत जारी राखेमा हामीले आदेश गरेका छौँ कि आइलागेमा जाइलाग्न पछि नपर्नुस् ।

पहिलो त हामी राजनीतिक संगठन हो । राजनीतिक पार्टी हो । यस्ता खालका घटना राजनीतिक ढङ्गबाट नै प्रतिवाद पार्न चाहान्छौँ । हामी माथि कोही आइलाग्छ भने त्यसको प्रतिकार गर्न अब हामी पछि पर्दैनौँ ।

बाँकी रहेका प्रदेशमा निर्वाचन हुन अब धेरै दिन बाँकी छैन । दई नम्बरकोे चुनाव हुने नहुने आशङ्का नै छ । यसलाई एमालेले कसरी लिएको छ ? रणनीति कस्तो बनाउँदैछ ?

तर्फबाट प्रदेश नं.२ का सम्पूर्ण जिल्लामा असार १४ मा नगरेर आसोजकमा गर्ने भन्ने निर्णय त्यहाँका जनतामाथिको अपमान हो भन्ने युवा संघ नेपालको भनाई छ । त्यहाँका जनतामाधि सरकारले निर्वाचन सारेर घोर अन्याय गरेको छ । लोकतन्त्रमा चुनाव एउटा सुन्दर पक्ष हो । तर आज अरु पार्टीहरुले तराई मधेसका जनतालाई छट्याउने काम, त्यहाँका जनताबीच एक किसिमको खाडल ल्याउने काम सत्तापक्षले गरेको छ ।

प्रदेश नं. २ मा असोजमा निर्वाचन भएपछि त्यहाँका प्रतिनिधीहरुले साढे चार वर्ष मात्रै काम गर्न पाउँछन् । जबकी अन्य प्रदेशमा जनप्रतिनिधीले पाँच वर्ष पाउँदैछन् । यो प्रजातान्त्रिक हक अधिकार तराईका जनतालाई नदिने दुष्प्रयास हुँदैछ । यसका नेकपा एमाले यसको विरोध गरी नै रहन्छ ।