इपीएल : क्वालिफायरका लागि चितवनद्वारा भैरहवासामू १४० रनको चुनौति पेश

काठमाडौँ– काठमाडौँमा जारी एभरेष्ट प्रिमियर लिग क्रिकेट प्रतियोगिताको दोस्रो क्वालिफायर प्रवेशका लागि आज भएको खेलमा चितवन टाइटर्सले भैरहवा ग्लाडियटर्ससामू १४० रनको चुनौति पशे गरेको छ ।

दीपेन्द्र सिंह ऐरीले लय समातेपछि त्रिवी क्रिकेट मैदानमा टस हारेर ब्याटिङ थालेको चितवनले निर्धारित २० ओभरमा ८ विकेटको क्षतीमा १३९ रन बनायो । चितवनका लागि एकतिर विकेट पतन भइरहदा दीपेन्द्र सिंह ऐरीले एकतर्फ इनिङ सम्हालेर टिमलाई मध्यम स्कोरमा पुर्याएका हुन् । उनले ४५ बलमा ६ चौका र एक छक्काको मदतमा ५६ रन बनाएर आउट भए ।

उनले भैरहवाका बलर रायन टान डेस्काटाको एकै ओभरमा लगातार चार चौका प्रहार गरेका थिए । यसअघि पउल स्टर्लिङले ७ बलमा १४ तथा जोहन सिम्पसोनले १५ बलमा १४ रन बनाए ।

यस्तै कमलसिंह ऐरीले दीपेन्द्रलाई साथ दिने क्रममा २ चौकाका साथ ११ बलमा १४ रन बनाएर आउट भए । अन्यले दोहोरो अंक छुन सकेनन् ।

यता भैरहवाका लागि मोहम्मद नाभिदले ३ विकेट लिए । ४ ओभर बलिङ गरेका उनले २४ रन खर्चिए । यस्तै अभिनास बोहराले २ विकेट लिँदा रायन टेन डेस्काटे, कृष्ण कार्की र भुवन कार्कीले १/१ विकेट लिए ।
दुबै टोलिलाई आज गर या मरको स्थिति रहेको छ । विजेटा टिमले बिहीबार फाइनल प्रवेशका लागि काठमाडौँ किंस ११ विरुद्ध खेल्नेछ । यसअघि ललितपुर फाइनल प्रवेश गरिसकेको छ ।