काठमाडौँ । बाढी प्रभावितहरूको अवस्था बुझ्न प्रधानमन्त्री शेरबहादुर देउवा आज सप्तरी गएका छन् । बाढी प्रभावित क्षेत्रको अवलोकन र निरीक्षणका लागि देउवा तर्फ लागेका प्रधानमन्त्रीका स्वकीय सचिव बिरेन्द्र थापाले हिमालय पोष्टलाई जानकारी दिए ।
ADVERTISEMENT
गृह सचिव, सप्तरी जिल्लालाई प्रतिनिधित्व गर्ने साँसदहरु लगायत बिपत ब्यवस्थापनको टोली सहित प्रधानमन्त्री देउवा प्रभाबित क्षेत्रमा पुगेका छन् ।
ADVERTISEMENT
प्रधानमन्त्री लोहजारा गाविसस्थित भेडिया मन्ठ लगायत मैनाकडेरी, रघुनाथपुर लगायतका बाढी प्रभाबित ठाउँहरुको स्थलगत अवलोकन गर्दैछन्।
केहि दिन यता अधिक बर्षाले महुली खोला भत्केपछि यस क्षेत्रका सयौं जनाको घरमा पानी पसेको छ । धेरै व्यक्ति जोखिममा रहेका छन् ।
प्रधानमन्त्री देउवाले भत्केको बाँधको अवलोकन र निरीक्षण गर्दै बाढीपीडितहरुसँग समेत भेट गरी समस्या बुझ्ने र तत्काल समाधानका लागि निर्देशन समेत दिने थापाले जानकारी दिएका छन् ।
