काठमाडौँ– अभिनास यादवको अलराउण्ड प्रदर्शनप्रेरित विराटनगर किङ्सले धनगढी प्रिमियर लिग क्रिकेटमा घरेलु टोली धनगढी स्टारर्समाथि २१ रनको जित निकालेको छ । विराटनगरले पहिलो जित दर्ता गर्दा धनगढी लगातार तेस्रो खेलमा पराजित भएको छ ।
फाप्ला क्रिकेट मैदानमा टस जितेर ब्याटिङ गरेको ब्याटिङ रोजेको विराटनगरले निर्धारित २० ओभरमा ९ विकेटको क्षतीमा १०३ रन बनायो । १०४ रनको विजयी लक्ष्य पच्छ्याउँदै मैदान छिरेको धनगढी १९ ओभरमा अल आउट हुन पुग्यो। अल आउट हुनुअघि धनगढीले ८२ रन बनायो।
धनगढीका लागि सन्दीप रजालीले ३४ तथा राजु रिजालले १५ रन बनाउनु बाहेक अन्य खेलाडीले दोहोरो रन बनाउन सकेनन् । धनगढीलाई सस्तैमा समेट्न करण र अभिनासले समान ४–४ विकेट लिँदा सुसन भारीको नाममा दुइ विकेट रह्यो ।
यसअघि विराटनगरका अविनाश यादवले २७, कप्तान करण केसीले २१, आसिफ शेखले १२ र सम्साद शेखले ११ रन बनाए। हरिशंकर साह २, कुशल भूर्तेल ५, असादउल्लाह खान ३, राजेश पुलामी १ र पृथु बाँस्कोटा ६ रनमा आउट भएका थिए।
धनगढीका कप्तान सोमपाल कामीले ३ ओभरमा ८ रन खर्चेर र विपिन खत्रीले ४ ओभरमा १९ रन खर्चेर ३र३ विकेट लिए। रबिन क्षत्रीले २ तथा सुनील धमलाले १ विकेट लिए।