भैरहवामा सुबिसुको नयाँ शाखा विस्तार, ईन्टरनेट र टिभि सेवामा विशेष छुट

काठमाडौँ– सुबिसु केवलनेट प्रालिले आफ्नो नयाँ शाखा भैरहवाको मिलनचोकमा बिस्तार गरेको छ । उक्त नयाँ शाखाको कम्पनीका नेशनल सेल्स प्रमुख युवराज कार्की र सिद्धार्थ उद्योग वाणिज्य संघका महासचिब नेत्र प्रसाद आचार्यले उद्घाटन गरेका छन् ।

यस शाखाबाट सुबिसुले भैरहवा तथा यस क्षेत्र वरिपरिका ग्राहकहरुको आवश्यकतालाई मध्यनजर गर्दै सुबिसुसंग सम्बन्धित सम्पूर्ण जानकारीहरु प्रदान गर्ने, कम्पनीका बिभिन्न सेवाहरुको विक्रि तथा वितरण साथै सेवा पछिको आफ्ना दक्ष तथा अनुभवि कर्मचारीहरुबाट प्रदान गर्नेछ ।

साथै भैरहवा आसपासका उपभोत्ताहरुलाई समय र ग्राहकको चाहना अनुसार नयाँ प्रविधिसहितको गुणस्तरीय तथा तीब्र गतिको एफटिटिएच ईन्टरनेट तथा क्लियर टि.भि सेवा सहुलियत दरमा प्रदान गर्नेछ ।

क्लियर टिभी मार्फत २ सय ६५ भन्दा बढि (७० भन्दा बढि एच डि) च्यानलहरु हेर्न सकिने छ । भने एफटिटिएच सेवामा न्युनतम १५ एमबिपिएस गति देखि १ सय एमबिपिएस गति सम्मको ईन्टरनेट सेवा उपलब्ध रहेको छ ।
यसै अवसरमा कम्पनीले सो क्षेत्रका ग्राहकहरुलाई ईन्टरनेट तथा टिभि सेवामा बिषेश छुट प्रदान गरेको छ ।