महिला साफ च्याम्पियनसिप : पहिलो हाफमा भुटानविरुद्ध नेपाल २-० ले अगाडी

विराटनगर – पाँचौ संस्करणको साफ महिला च्याम्पियनसिप फुटबल प्रतियोगिताको उट्घाटन खेलमा नेपालले भुटानविरुद्ध २-० को अग्रता लिएको छ ।

नेपालले खेलको १३ औं मिनेटमा गोल गर्दै १–० गोलको अग्रता बनाएको थियो । नेपालका लागि मञ्जलीकुमारी योञ्जनले गोल गरेकी थिइन् । त्यस्तै, खेलको १६ औं मिनेटमा नै नेपालले अर्को गोल गर्न सफल भयो ।

नेपालका लागि सावित्रा भण्डारीले गोल गर्दै नेपाललाई २–० गोलको अग्रता दिलाएकी हुन् । यो गोलसँगै सावित्राले २३ औं अन्तर्राष्ट्रिय गोल गरिन् ।