काठमाडौँ – श्रीलंकामा जारी यू–१९ एशियाकपबाट नेपाल बाहिरिएको छ । सेमिफाइनलसम्म पुग्ने लक्ष्यका साथ श्रीलंका उडेको नेपाली टोली आइतबार बंगलादेशसंग ६ विकेटले पराजित भएसंगै अघिल्लो चरणको यात्रा तय गर्न असफल भएको हो ।

यसअघि पहिलो खेलमा आयोजक श्रीलंकासंग पराजित भएको नेपाल बंगलादेशसंगको हारसंगै प्रतियोगिताबाट बाहिरिएको हो ।


ADVERTISEMENT

# # #


आइतबार कोलोम्बोको पी सारा मैदान टस हारेर ब्यटिङ थालेको नेपालले निर्धारित ५० ओभरमा ८ विकेट गुमाउँदै २६१ रन बनायो । २६२ रनको लक्ष्य पच्छ्याउँदै मैदान उत्रिएको बंगलादेशले ४९.२ ओभरमा ४ विकेटको क्षतीमा लक्ष्य पूरा गर्यो । बंगलादेशका लागि कप्तान मोहम्मद अकबर अलि र मोहम्मद शमिम हुसेनले अविजित १३० रनको साझेदारी गरेपछि बंगलादेशले जित हात पारेको हो ।

अकबरले ८२ बलमा अविजित ९८ रन हाने । त्यसक्रममा उनले १४ चौका प्रहार गरे । यस्तै मोहम्मद ताहिद ह्रिदयले ६० रन बनाउँदा मोहम्मद शमिम हुसेन ४२ रनमा अविजित रहे । यस्तै मोहम्मद हसन जोयले ४० रन जोडे ।

नेपालका लागि कमल सिंह ऐरीले २ तथा राशिद खान र हरि चौहानले १-१ विकेट आफ्नो नाममा लेखाए ।

यसअघि नेपाललाई सम्मानजनक स्कोरसम्म पुर्याउन पवन सर्राफले सम्हालिएको प्रर्दशन गरे । र्अधशतक बनाएका उनले १०९ बलमा ८ चौका र एक छक्कासहित ८१ रन प्रहार गरे ।

ओपनर पवन सर्राफ र रित गौतमले नेपाललाई मध्यम गतीको सुरुवात दिलाएका थिए । रित गौतम व्यक्तिगत ३२ रनमा आउट हुनुअघि उनीहरुले पहिलो विकेटका लागि ४१ रनको साझेदारी गरे । त्यसपछि आएका आशिफ सेख सस्तैमा आउट भए । उनले १३ बलमा जम्मा ३ रन हाने ।

सुस्त गतिमा रहेको नेपाली इनिङलाई कुशल मल्लले उकास्ने प्रयास गरे । उनले पवन सर्राफसंग ३९ रनको साझेदारी गर्दा ३३ बलमा ३ छक्का र एक चौकासहित २८ रन बनाए ।

यस्तै कप्तान रोहित कुमार पौडेलले २६ बलमा एक चौकासहित १४ रन हाने । उनले पवन सर्राफसंग मिलेर ६६ रनको साझेदारी गरेपनि कुनैबेला २६.५ ओभरमा ३ विकेट गुुमाउँदा ९३ रनमा रहेको नेपाल ३७.२ ओभरमा ४ विकेटको क्षतीमा १५९ को अवस्थामा पुगेको थियो । त्यसपछि आएका सन्दीप जोरा र भीम सार्की आक्रामक साझेदारी गरे । उनीहरुले छैटौँ विकेटका लागि ४७ बलमा ७१ रन ठोके ।

त्यसक्रममा ३२ बलमा नै अर्धशतक पूरा गरेका सन्दीप ३७ बलमा ३ चौका र ३ छक्कासति ५६ रनमा आउट भए । यस्तै भीम सार्कीले १९ बलमा २ चौकाको मदतमा २१ रन जोडे । यस्तै कमलसिंह ऐरी ९ र हरि चौहान १ रनमा नटआउट रहँदा राशिद खान ६ ले रन रन जोडे ।

बंगलादेशका लागि मोहम्मद तान्जिम हसन र मोहम्मद साहिम आलमले समान २–२ विकेट लिए । मोहम्मद मृत्युन्जय, राकिबुल हसन, मिन्हुजुर रहमान र मोहम्मद तावहिद ह्रिदयले समान १-१ विकेट हात पारे ।

आजको हिजसंगै बंगलादेश सेमिफाइनल प्रवेश गरेको छ ।

प्रतिकृया

प्रतिकृया