रास्वपाका महामन्त्री ढकाललाई साधारण सदस्यसमेत नरहने गरी निष्कासन गर्न अनुशासन आयोगको सिफारिस

काठमाडौँ– राष्ट्रिय स्वतन्त्र पार्टी (रास्वापा) का महामन्त्री डा. मुकुल ढकाललाई पार्टीको अनुशासन आयोगले साधारण सदस्यसमेत नरहने गरी निष्कासन गर्न सिफारिस गरेको छ ।

यसअघि बुधवार बसेको रास्वपाको गत केन्द्रीय समिति बैठकले एक साताका लागि निलम्बन गरेको ढकाललाई थप कारवाहीस्वरुप आयोगले पार्टीको साधारण सदस्य समेत नरहने गरी निष्कासनको सिफारिस गरेको हो ।

सो सिफारिसबारे जारी केन्द्रीय समिति बैठकमा छलफल भइरहेको छ । रास्वपाका एक नेताका अनुसार आयोगको सिफारिसमाथि छलफल गरेर केन्द्रीय समितिले आवश्यक निर्णय लिनेछ ।

अनुशासन आयोगको सिफारिस केन्द्रीय समितिबाट अनुमोदन भएमा ढकालको २ वर्षे राजनीतिक यात्रा रास्वपामा बिसर्जन हुनेछ ।

मुकुलमाथि अराजकरुपमा प्रस्तुत भएको तथा पार्टीकोविरुद्ध गतिविधि गरेको आरोप छ । उनीे मंगलबार पार्टीले केन्द्रिय बैठक लाइभ नगरेकोमा विद्रोह जनाउदैँ मुखमा कालो टेप लगाएर बैठकमा सरिक भएका थिए ।