गोदरेजद्वारा दशैं र तिहार लक्षित ‘मनैदेखि वाउ’ अभियान जारी

काठमाडौँ – अभिनव, ऊर्जा कुशल र वातावरण मैत्री ब्रान्ड गोदरेजले आफ्नो दशैं र तिहार लक्षित अभियान, ‘मनैदेखी वाउ’ जारी गरेको छ। ग्राहकहरूलाई गोदरेज होम एप्लायन्सको खरिदमा रियल क्यासब्याक र पक्का उपहारको साथ खुसी बाढ्ने उद्देश्य सहित यस योजना ल्याइएको हो ।

‘मनैदेखी वाउ’ अभियान अन्तर्गत ग्राहकले रु ३१ हजार ५०० सम्मको आकर्षक क्यासब्याक र ग्यारेन्टी उपहार प्राप्त गर्न सक्नेछन् । ग्राहकहरुले टप लोडर ट्विन टब वासिङ मेसिन खरिद गर्दा तीन लिटर निःशुल्क एरियल डिटर्जेन्ट लिक्विड र माइक्रोवेभ ओभन खरिद गर्दा निःशुल्क कुकिंग किट प्राप्त गर्न सक्ने कम्पनीले जनाएको छ ।

ग्राहकहरूले गोदरेज सिंगल डोर रेफ्रिजरेटर, डबल डोर रेफ्रिजरेटर, साइड-बाई-साइड रेफ्रिजरेटर, चेस्ट फ्रिजर, माइक्रोवेभ ओभन, वासिङ मेसिन र एयर कन्डिसनरहरू खरिद गर्दा आकर्षक क्यासब्याकको मजा लिन सक्नेछन्।

कम्पनीका अनुसार यो अभियान २३ भदौ २०८१ मा सुरु भइ नेपालभर सीमित अवधिको लागि लागू हुनेछ। नेपालमा गोदरेजको घरायसी उपकरणहरु चौधरी ग्रूप अन्तर्गत सिजी इलेक्ट्रोनिक्सले बिक्रि वितरण गर्दै आएको छ ।